לאדינו                                                            



 
מאיזה מוצא את/ה?
[תוצאות]

לאדינו | ספניולית

לדינו
ladino

אזרחות ספרדית
 
מונה:

התחברות לחברים

דף הבית >> חגים >> שבועות >> הכתובה של התורה
 

כתובת התורה
ר' יהודה בר לאון קלעי (שלוניקי נפ' 1782)

 
יָאֶה לְשַׁבֵּחַ לָאֵל הַגָּדוֹל וְרַב הָעֲלִילָה
בְּמוֹרָא לֵבָב, בְּשִׂמְחָה וּבְגִילָה
בְּיוֹם זֶה הַקָּדוֹשׁ וְהֶעָטוּף הִלָּה:
 
בְּיוֹם זֶה יָרַד אֱלֹהִים עַל סִינַי וְרִבּוֹא מַלְאָכִים עִמּוֹ
לָתֵת אֶת הַתּוֹרָה לְכָל בֵּית יִשְׂרָאֵל עַמּוֹ
בְּיַד מֹשֶׁה רַבֵּנוּ, רוֹעֶה נֶאֱמָן שְׁמוֹ:
 
לֹא רָצָה לָרֶדֶת עַל שׁוּם הַר נִשָּׂא וְרָם
אֶלָּא עַל הַר סִינַי אֲשֶׁר הִשְׁפִּיל עַצְמוֹ שָׁם
לְמַעַן יִקַּח מוּסָר וְיִתְעַטֵּף בַּעֲנָוָה הָאָדָם:
 
קָרָא וְאָמַר הַקָּדוֹשׁ בָּרוּךְ הוּא לַיְּהוּדִים: רַעְיָתִי יְפַת תֹּאַר וְהָדָר
הַרְאִינִי אֶת מַרְאַיִךְ נִמְשְׁלוּ לְוֶרֶד רַעֲנָן וּמְפֹאָר
כִּי קוֹלֵךְ עָרֵב וְסִבְרֵךְ נָאֶה וְיָקָר:
 
יִשְׂרָאֵל בְּשָׁמְעָם קוֹל אֱלֹהַּ הַמְבֹרָךְ
אָמְרוּ: נִהְיֶה דְּבֵקִים בְּמִצְוָתוֹ וּבִדְבָרוֹ הַנֶּעֱרָךְ
נַעֲשֶׂה וְנִשְׁמַע לְכָל מוֹצָא פִּיו הַטּוֹב וְהַזַּךְ:
 
הִשְׁתַּדֵּךְ בָּהֶם וְהִתְחַיֵּב לָתֵת לָהֶם אֶת הַתּוֹרָה וְהֵם עָרְבוּ לִמְסֹר
וּלְצַוּוֹתָהּ לְיַלְדֵיהֶם אֲשֶׁר יָקְרוּ לָהֶם, לְדוֹר וָדוֹר,
בְּעֹנִי וּבְעשֶׁר כָּל הָאָמוּר בָּהּ לְקַיֵּם וְלִשְׁמֹר:
 
בִּרְאוֹת הַקָּדוֹשׁ בָּרוּךְ הוּא כִּי אֲהַבְנוּהוּ אַהֲבָה רַבָּה
גַּם הוּא יְעָדָנוּ לוֹ כְּחָתָן בְּרֹב חִבָּה
וְזוֹ הִנָּהּ הַכְּתֻבָּה:
 
בְּיוֹם הַשַּׁבָּת קִבְּלוּ הַיְּהוּדִים אֶת הַתּוֹרָה מִיַּד אֱלֹהַּ מִשָּׁמַיִם,
בְּשִׁשָּׁה בְּסִיוָן, הַחֹדֶשׁ הַשְּׁלִישִׁי לְצֵאתָם מִמִּצְרַיִם
בִּשְׁנַת אַלְפַּיִם וְאַרְבַּע מֵאוֹת וְאַרְבָּעִים וּשְׁמוֹנֶה לִבְרִיאַת אֶרֶץ וְשָׁמַיִם:
 
הִתְנוּ הַיְּהוּדִים תְּנָאִים אֵלֶּה עִם הַתּוֹרָה הַקְּדוֹשָׁה:
אֶקָּחֵךְ לְכַלָּה כִּי אַתְּ בְּיִחוּס רָם חֲמוּשָׁה
אֲכַבְּדֵךְ וַאֲשִׂימֵךְ עַל גַּרְגְּרוֹתַי כְּמַחְרֹזֶת יְקָרָה וּלְטוּשָׁה:
 
בְּסִיַּעְתָּא דִּשְׁמַיָּא תָּמִיד עֵינַי בָּךְ אֶתְלֶה
וְכָל מִשְׁאֲלוֹתַיִךְ וְצַוַּיִךְ אֲקַיֵּם וַאֲמַלֵּא
יוֹמָם וְלַיְלָה בָּךְ אֶדְבַּק לֹא אֶלְאֶה:
 
עָנְתָה הַתּוֹרָה תַּמָּה וּתְמִימָה
גַּם אֲנִי אֹהַבְךָ כִּי הִנְּךָ בֵּן לְמִשְׁפָּחָה רָמָה
כִּי בְּךָ בָּחַרְתִּי וְחָפַצְתִּי מִכָּל לָשׁוֹן וְאֻמָּה:
 
הוֹסִיף הֶחָתָן עַל עִקַּר כְּתֻבָּתָהּ וְקִבֵּל
לִהְיוֹת מְחַדֵּשׁ פְּשָׁטִים וְחִדּוּשִׁים מִבֹּקֶר וְעַד לֵיל
וּלְבִלְתִּי עָזְבָהּ גַּם בְּעֵת חָפְזָה וְכַעַס מִתְחוֹלֵל:
 
 
הֵבִיאָה עִמָּהּ נְדוּנְיָה אֲשֶׁר מִבֵּית אָבִיהָ נָטְלָה נָטוֹל
תרי"ג מִצְווֹת לְקַיֵּם יוֹם וְלֵיל בְּלִי לַחְדֹּל,
שֶׁיְּמַלְּאֵן הֶחָתָן וְיִשְׁמְרֵן בְּלִי הַחְסֵר דָּבָר מִכֹּל:
 
עָלָה הַכֹּל בֵּין נְדוּנְיָה וְתוֹסֶפֶת וּמֹהַר
שֶׁהֵבִיאָה עִמָּהּ הַכַּלָּה לַחֲתָנָהּ יָקָר וִיפֵה תֹּאַר,
הַמִּצְווֹת לְקַיֵּם וְלִירוֹא דְּבַר ה' רַב טֹהַר.
 
בִּרְאוֹת הֶחָתָן הַנָּדָן שֶׁהֵבִיאָה עִמָּהּ הַגְּבִירָה
קִבֵּל עָלָיו לְמַלֵּא תָּמִיד כָּל מַחְסוֹרָהּ
וְלִהְיוֹת נֶעֱנָשׁ אִם עֹרֶף יַפְנֶה לִדְבָרָהּ.
 
וְשֶׁלֹּא יוּכַל לִמְכֹּר וּלְמַשְׁכֵּן סֵפֶר מִסִּפְרֵי תּוֹרָה אֲהוּבָה
אֶלָּא יְכַבְּדָהּ כְּתַכְשִׁיט וּמַשְׂכִּית יְקָרָה וּמְאוֹד חֲבִיבָה
רַק יוֹסִיף וְיִקְנֶה, וּמֵהֶם לֹא לִמְכֹּר לְעוֹלָם, יִשָּׁבַע.
 
וּלְפִי שֶׁקִּבֵּל עָלָיו הֶחָתָן לַעֲשׂוֹת מִצְווֹת וְחֻקִּים
הִבְטִיחוֹ יְרֻשָּׁה הַשְּׁמוּרָה בַּשְּׁחָקִים
כָּל הַצָּפוּן בְּגִנְזֵי עוֹלָם הַבָּא בַּעֲבוּר צַדִּיקִים.
 
עוֹד הִזְהִירוֹ, לְבַל יְמִירֶנָּה בְּתוֹרָה אַחֶרֶת וַעֲבוֹדַת אֱלִיל
רַק בָּהּ יִדְבַּק כָּל יְמֵי חַיָּיו וּבָהּ יִשְׂמַח וְיָגִיל
הִיא תִּהְיֶה לוֹ לְאִשָּׁה עַד שֵׂיבָה בַּעֲלִיל:
 
אֵין עֲרֹךְ לָהּ וִיקָרָה הִנָּהּ מִזָּהָב הַטָּהוֹר
לְשֵׂאתָהּ בְּחֵיקוֹ תָּמִיד בְּלִי הֶרֶף יִזְכֹּר,
גַּם בְּלֶכְתּוֹ בַּדֶּרֶךְ, עִמּוֹ תִּהְיֶה וְעָלֶיהָ יִשְׁמֹר:
 
נִשְׁלְמוּ נִשּׂוּאֵי הַיְּהוּדִים עִם הַתּוֹרָה
לְמַרְגְּלוֹת הַר סִינַי שָׁם עָמְדוּ כָּל הַנְּשָׁמוֹת בְּרַעַד וּמוֹרָא
וּשְׁכִינָה לְעֵינֵיהֶם נִגְלְתָה אָז בִּמְלוֹא זָהֳרָהּ:
 
זְכוּת תַּעֲמֹד לָנוּ וּלְכָל הַמַּאֲמִינִים וְתָעִיד
נִשְׁמֹר הַתּוֹרָה וּנְקַיְּמָהּ אָנוּ וְזַרְעֵנוּ אַחֲרֵינוּ תָּמִיד
נִרְאֶה בִּמְהֵרָה נְקָמָה בְּאוֹיְבֵינוּ, וְנֵשֵׁב בְּאֵין מַחֲרִיד:
 
הַיְּהוּדִים כִּי קִבְּלוּ הַתּוֹרָה נֶגְדָּה-נָא כָּל הָעַמִּים
קִבְּלוּ הַבְטָחָה לִהְיוֹתָם נִצּוֹלִים מֵרָעוֹת וְדָמִים,
וְעֵדִים עַל כָּךְ הָיוּ הָאָרֶץ וּשְׁמֵי מְרוֹמִים:
 
יַכְמִיר רַחֲמָיו עָלֵינוּ אֱלֹהִים וְגַם יִגְמְלֵנוּ
גְּמוּל טוֹב וְיִשְׁלַח לָנוּ מְשִׁיחַ צִדְקֵנוּ
בְּבִנְיַן הֵיכָלוֹ חִישׁ תֶּחְזֶינָה עֵינֵינוּ:
 
יִפָּרַע מִכָּל עַם עוֹבֵד פִּסְלוֹ וֶאֱלִילוֹ
וִיבָרֵךְ יִשְׂרָאֵל עַם גּוֹרָלוֹ
וְנֹאמַר אֲזַי כֻּלָּנוּ אַשְׁרֵי הָעָם שֶׁכָּכָה לו:
 
                  תרגם מלאדינו: אבנר פרץ
                  כל הזכויות שמורות 2008

 
ר' יהודה בר לאון קלעי 
לה כתובה די לה ליי
סימן "אני יאודה בר ליאון קלעי זלה"ה"
 
איס ראזון די אלאב'אר אאיל דייו גראנדי אי פודירוזו
קון טימורידאד די קוראסון אי אליגריאה אי גוזו
אין איל דיאה איל איסטי סאנטו אי פודירוזו:
 
אין איסטי דיאה אבאשו איל דייו אין סיני אי מילארייאס די מלאכים קון איל
אה דאר לה ליי אה סו פואיב'לו קאזה די ישראל
פור מאנו די משה רבנו פאסטור פ'יאיל:
 
נון קיז'ו אבאשאר סוב'רי נינגון מונטי אלטו
סאלב'ו אין מונטי די סיני קי סי אריבאשו טאנטו
פור קי דיפרינדה איל אומברי אי טומי לה ענווה פור מאנטו:
 
ייאמו אי דישו איל דייו ברוך הוא אה לוס ג'ידייוס מי קומפאנייה אירמוזה
אזמי ב'יאיר אה טו ב'יסטה אינשימפלאדה אה לה רוזה
קי טו בוז סאב'רוזה אי טו ב'יסטה דונוזה:
 
ישראל קי אויירון לה בוז דיל דייו בינדיג'ו
דישירון איסטארימוס סיימפרי אה סו קומאנדו אי אה סו דיג'ו
ארימוס אי אוליירימוס טודו סו בואין דיג'ו:
 
איזו פארטידו קון אילייוס די דארלי לה ליי קון קי לי דייראן פ'יאנסה
אילייוס דיירון אה לוס איז'וס קי איס לה מאס אינפורטאנסה
די אפ'ירמאר לה ליי טאנטו קון פרוב'יזה קומו טיניר מונג'ה בונאנסה:
 
ויינדו איל דייו ברוך הוא קי לו אמימוס אהבה רבה
טאמביין איל מוס אפלאזו קומו נוב'ייו קון גראנדי חיבה
איסטה איס לה כתובה:
 
דיאה די שבת ריסיב''יירון לוס ג'ידייוס לה ליי דילה מאנו די איל דייו
אה סיש די סיון איל מיז טריסירו קי ישראל די מצרים סאלייו
אין אנייו די דוס מיל אי קואטרו סיינטוס אי קוארינטה אי אוג'ו קי איל מונדו סי קריאו:
 
היזיירון איסטוס תנאים לוס ג'ידייוס קון לה ליי סאנטה
טי טומארי קומו נוב'ייה קי סוס די ב'אנדה אלטה
טי איסטימארי קומו סי איסטימה איל ייארדאן אין לה גארגאנטה:
 
בסיעתא דשמיא סיימפרי אין טי מיס מיינטיס מיטירי
אי טודאס טוס דימאנדאס לייו קומפלירי
די דיאה אי די נוג'י קון טי מי אפיגארי:
 
ריספונדייו לה ליי תמה תמימה
ייו טאמביין טי אמי קי סוס נוב'ייו די משפחה רמה
קי אין טי אינב'ילונטי מאס קי טודו לשון אי אומה:
 
לי דייו איל נוב'ייו תוספת סוב'רי איל עיקר די סו דיספוזאדה
די סיר מחדש פשטים אי חידושים די פרימה אי די מאדרוגאדה
אי קון כעס אי פריזה נון סיאיר דישאדה:
 
ייב'ו קון אילייה לה אשוגאר קי טרושו די קאזה די סו פאדרי
שישינטוס אי טריג'י מצוות פארה קי לאס אפ'ירמי מאנייאנה אי טאדרי
פארה קי איל נוב'ייו לאס אגה אי לאס גואדרי:
 
אינפורטו טודוס אינטרי אשוגאר אי תוספת אי קונטאדו
קי טרושו לה נוב'ייה אה סו נוב'ייו קירידו אמאדו
לאס מצוות אפ'ירמאר אי טימיר אין איל דייו אי אזיר סו מאנדאדו:
 
ויינדו איל נוב'ייו לה אשוגאר קי טרושו לה סינייורה קון אילייה
ריסיב'ייו איל אחריות די לו קי מאנקארה אין אילייה
די ייב'אר פינה סי אין סו דיג'ו ריב'ילייה:
 
ני קי פואידה ב'ינדיר ני אינפינייאר נינגון ליב'רו די לה ליי אמאדה
סינון איסטימארלוס קומו ג'וייה פריסייאדה
סיימפרי איר מירקאנדו אי די אילייוס נון ב'ינדיר נאדה:
 
קומו לייה ריסיב'ייו איל נוב'ייו די אזיר סוס מצוות אי סוס חוקים
לי פרומיטייו די דארלי סו ירושה קי איסטה בשחקים
די איל ביין קי איסטה גואדראדו אין עולם הבא פארה לוס צדיקים:
 
לו אקאב'ידו מאס קי נון לה טרוקי פור אוטרה ליי ני קי סיירב'ה עבודה זרה
סאלב'ו קון אילייה סי אפיגארה
אילייה סיאה סו מוז'יר אי קון אילייה סי אינב'יזיסירה:
 
ערך פארה אילייה נון איי קי איס איסטימאדה מאס קי איל אורו פ'ינו
קי לה מילדי אי לה ייב'י אין סו פיג'ו דיקונטינו
קי נון לה דישי אאון קי ב'אייה פור קאמינו:
 
ייה סי קונפלייו איל קאזאמיינטו קי לוס ג'ידייוס קון לה ליי איזיירון
טודאס לאס אלמאס אין מונטי די סיני איסטוב''רון
קלארידאד די לה שכינה קון סוס אוז'וס ב'יירון:
 
זכות טינגאמוס נוס אי טודוס לוס קי אין איל דייו טימין
קי לה אפ'רמימוס נוס אי טודו מואיסטרו סימין
ב'יאמוס ב'ינגאנסה אין לוס אינימיגוס קי פריסטו סי אטימין:
 
לוס ג'ידייוס קי ריסיב'יירון לה ליי אה אוז'וס די טודוס לוס פואיב'לוס
פ'ואירון אינפ'יאוזייאדוס די סיר איסקאפאדוס די מאליס אי די דואילוס
לוס עדים פ'ואירון לה טיירה אי לוס סיילוס:
 
האפיאדי איל דייו סוב'רי נוס אי מוס די בואין פ'אדארייו
מוס מאנדי אה איל אונטאדו אי טינגאמוס בואין סאלארייו
אאינה אי פריסטו מוס פ'ראגואי איל סאנטוב'ארייו:
 
היל סי ב'ינגי די טודוס לוס קי סירב'ין אידולו
אי בינדיגה אה סו פואיב'לו עם גורלו
אי דיראן טודוס אה אונאמינטי אשרי העם שככה לו:
 
 
R. Yeuda bar Leon Kalay
La Ketuba de la Ley
 
Es razon de alavar ael Dio grande i poderozo
Kon temoridad de korason i alegria i gozo
En el dia el este santo i poderozo:
 
En este dia abasho el Dio en Sinay i milarias de mal'ahim kon el
A dar la Ley a su puevlo kaza de Israel
Por mano de Moshe Rabenu pastor fiel:
 
Non kijo abashar sovre ningun monte alto
Salvo en monte de Sinay ke se arrebasho tanto
Por ke deprenda el ombre i tome la anava por manto:
 
Yamo i disho el Dio Baruh Hu a los djidios mi kompanya ermoza
Azmr veer a tu vista enshemplada a la roza
Ke tu boz savroza i tu vista donoza:
 
Israel ke oyeron la boz del Dio Bendicho
Disheron estaremos siempre a su komando ia su dicho
Aremos i oyeremos todo su buen dicho:
 
Izo partido kon eyos de darle la Ley kon ke le dieran fiansa
Eyos dieron a loa ijos ke es la mas inportansa
de afirmar la Ley tanto kon proveza komo tener muncha bonansa:
 
Viendo el Dio Baruh Hu ke lo amemos a'hava raba
Tambien El mos aplazo komo novio kon grande hiba
esta es la ketuba:
 
Dia de Shabat resivieron los djidios la Ley dela mano de el Dio
A sesh de Sivan el mez tresero ke Israel de Mitsrayim salio
En anyo de dos mil i kuatro sientos i kuarenta i ocho ke el mundo se krio:
 
Iszieron estos tenaim los djidios kon la Ley Santa
Te tomare komo novia ke sos de vanda alta
Te estimare komo estima tl yardan en la garganta:
 
Besiata de shemaya siempre en ti mis mientes metere
I todas tus demandas yo kumplire
De dia i de noche kon ti me apegare:
 
Respondio la Ley tama temima
Yo tambien te ami ke sos novio de mishpaha rama
Ke en ti envelunti mas ke todo lashon i  uma:
 
Le dio el novio tosefet sovre el ikar de su despozada
de ser mehadesh peshatim i hidushim de prima i de madrugada
I kon kaas i priza non seer deshada:
 
Yevo kon eya la ashugar ke trusho de kaza de su padre
Sheshentos i tredje mitsvot para ke las afirme manyana i tadre
Para ke el novio las aga i las guadre:
 
Enporto todos entre ashugar i tosefet i kontado
Ke trusho la novia a su novio kerido amado
Las mitsvot afirmar i temer en el Dio i azer su mandado:
 
Viendo el novio la ashugar ke trusho la sinyora kon eya
resivio el aharayut de lo ke mankara en eya
de yevar pena si en su dicho reveya:
 
Ni ke pueda vender ni enpenyar ningun livro de la Ley amada
Sinon estimarlos komo djoya presiada
Siempre ir merkando i de eyos non vender nada:
 
Komo ya resivio el novio de azer sus mitsvot u sus hukim
Le prometio de darle su yerusha ke esta ba-shehakim
De el bien ke esta guadrado en olam 'ha-ba para los tsadikim:
 
Lo akavido mas ke non la troke por otra ley ni ke sierva avoda zara
Salvo kon eya se apegara
Eya sea su mujer i kon eya se envejesera:
 
Ereh para eya non ay ke es estimada mas ke el oro fino
Ke la melde i la yeve en su pecho dekontino
Ke non la deshe aun ke vaya por kamino:
 
Ya se kunplio el kazamiento kr los djidios kon la Ley izieron
todas las almas en monte de Sinay estuvieron
Klaredad de la Shehina kon sus ojos vieron:
 
Zahut  tengamos nos i todos los ke en el Dio temen
Ke la afirmemos nos i todo muestro semen
Veamos vengansa en los enemigos ke presto se atemen:
 
Los djudios ke resuvieron la Ley a ojos de todos los puevlos
Fueron enfiuziados de ser eskapados de males i de duelos
Los edim fueron la tierra i los sielos:
 
Apiade el Dio sovre nos i mos de buen fadario
Mos mande a el untado i tengamos buen salario
Aina i presto mos frague el santuvario:
 
El se venge de todos los ke sirven idolo
I bendiga a su puevlo am goralo
I diran todos a unamente ashre 'ha-am sh-kaha lo:

מתוך האתר של מכון מעלה אדומים

 

+ הוסף תגובה חדשה
תגובות:
Loading בטעינה...
+ שלח משוב

לאדינו           Ladino


קאזה זוארץ


ספרדי טהור
תאריך ושעה
 

גיא זוארץ - לאדינו ופיוט מבית אבא
כנס לאדינו